ଟାଇଫଏଡ଼ ରୋଗ ଏବଂ ତାହାର କାରଣ ଓ ନିରାକରଣ | TYPHOID CAUSES TREATMENT AND SYMPTOMS IN ODIA

Typhoid Causes treatment and symptoms in Odia : ରୋଗ ଏବଂ ତାହାର କାରଣ ଓ ନିରାକରଣ :-      

 ଟାଇଫଏଡ଼ (Typhoid) :

                ଏହି ରୋଗରେ ଅନ୍ତନାଳୀ ଆକ୍ରାନ୍ତ ହେବା ସଙ୍ଗେ ସଙ୍ଗେ ଜ୍ଵର ହୋଇଥାଏ। ତେଣୁ ଏହାକୁ ଆନ୍ତ୍ରିକ ଜ୍ଵର ବା ଟାଇଫଏଡ଼ ବୋଲି କୁହାଯାଏ।

 କାରଣ : 

              ଟାଇଫଏଡ଼ ରୋଗୀର ମଳରେ ଥିବା ସାଲମୋନେଲା ଟାଇପିଂ (salmonella typhii) ନାମକ ଏକ ବାକ୍ଟେରିଆ ଦ୍ୱାରା ଏହି ରୋଗ ବ୍ୟାପିଥାଏ। ଯେହେତୁ ଏହା ଏକ ଜଳ ଵାହିତ ରୋଗ,ତେଣୁ ରୋଗୀ ଶରୀରରୁ ଏହି ବାକ୍ଟେରିଆ ଗୁଡ଼ିକ ନିର୍ଗତ ହୋଇ ଖାଦ୍ୟ ଓ ଜଳ ମାଧ୍ୟମରେ ସୁସ୍ଥ ଲୋକର ଶରୀରରେ ପ୍ରବେଶ କରି ରୋଗ ସୃଷ୍ଟି କରନ୍ତି।

ଲକ୍ଷଣ : 

               ରୋଗର ପ୍ରଥମ ଅବସ୍ଥାରେ ମୁଣ୍ଡବ୍ୟଥା, ଦୁର୍ବଳତା, ତଣ୍ଟିଦରଜ ଓ କୋଷ୍ଠକାଠିନ୍ୟ ଭଳି ଲକ୍ଷଣ ମାନ ପ୍ରକାଶ ପାଇ ଧୀରେ ଧୀରେ ଜ୍ୱର ଆରମ୍ଭ ହୁଏ। ପରେ କ୍ଷୁଦ୍ରାନ୍ତରେ ଘା' ହୁଏ। ରୋଗର ସର୍ବାଧିକ ଲକ୍ଷଣ ରୋଗ ଆରମ୍ଭର 10 ଦିନ ମଧ୍ୟରେ ଦେଖାଯାଏ।

   ଚିକିତ୍ସା : 

                ରୋଗୀକୁ ତାପମାତ୍ରା ହ୍ରାସକାରୀ ଔଷଧ ସହ ଆଣ୍ଟିବାଇଓଟିକ୍ ଔଷଧ ଦେଇ ଚିକିତ୍ସା କରାଯାଏ। ରୋଗୀକୁ ସମ୍ପୂର୍ଣ୍ଣ ବିଶ୍ରାମ ଦିଆଯାଏ।

 ନିବାରଣ ଓ ନିୟନ୍ତ୍ରଣ :

                 ରୋଗୀର ମଳ ଯେପରି ସର୍ବସାଧାରଣ ବ୍ୟବହାର କରୁଥିବା ଜଳାଶୟରେ ନ ମିଶେ ସେଥିପ୍ରତି ସତର୍କତା ଅବଲମ୍ବନ କରିବା ଉଚିତ୍। ଖାଦ୍ୟକୁ ଘୋଡାଇ ରଖିବା ସହ ସେଥିରେ ଯେପରି ମାଛି ବସିବେନାହିଁ ବିଶେଷ ନଜର ରଖିବା ଉଚିତ୍।